ខេត្តកំពង់ស្ពឺ ៖ មានហេតុការណ៍គួរឲ្យភ្ញាក់ផ្អើលមួយកើតឡើង រវាងរថយន្តបើកបុកគោយន្តពីក្រោយបណ្ដាលឲ្យស្លាប់ក្មេងស្រី01នាក់របួសធ្ងន់ធ្ងរ03នាក់របួសមធ្យម02នាក់ហេតុការនេះបង្កឲ្យភ្ញាក់ផ្អើលនៅវេលាម៉ោង19និង30នាទី ថ្ងៃទី 21 ខែវិច្ឆិកា ឆ្នាំ2019នៅលើផ្លូវ ជាតិលេខ 41 ចន្លោះគីឡូម៉ែត្រលេខ 24 និង 25 ត្រង់ចំណុចភូមិតាំងស្នោ ឃុំទំព័រមាស ស្រុកសំរោងទង ខេត្តកំពង់ស្ពឺ មានរថយន្ត 1គ្រឿងម៉ាកត្រូពិច ពណ៍សំបកឱឡឹក គ្មានស្លាកលេខ អ្នកបើកបរឈ្មោះ គុណ មករា ភេទប្រុស អាយុ 29ឆ្នាំ (របួសធ្ងន់) រស់នៅភូមិបុរីកម្មករ សង្កាត់ច្បារមន ក្រុងច្បារមន ខេត្តកំពង់ស្ពឺ។
ប្រភពពីសាក្សីនៅកន្លែងកើតបានប្រាប់អ្នកយកព័ត៍មានយើងដឹងថាក្រោយពេលកើតហេតុគេបានឃើញរថយន្ត01គ្រឿងបើកបរពីលិចទៅកើត មកដល់ចំណុចកើតហេតុខាងលើ បានបុកគោយន្តពីក្រោយ 1គ្រឿងម៉ាកគូបូតា ពណ៌ក្រហម មានសណ្តោងរ៉ឺម៉ក អ្នកបើកបរឈ្មោះ គា រដ្ឋា ភេទប្រុស អាយុ 32ឆ្នាំ (របួសស្រាល) មានដឹកមនុស្សចំនួន 4នាក់
1-ឈ្មោះជា ចិត្ត្រា ភេទស្រី អាយុ 29ឆ្នាំ (របួសធ្ងន់)
2-ឈ្មោះ វុន ដាំ ភេទប្រុស អាយុ 14ឆ្នាំ (របួសស្រាល)
3-ឈ្មោះគា រតនា ភេទស្រី អាយុ 5ឆ្នាំ (ស្លាប់នៅកន្លែងកើតហេតុ)
4-ឈ្មោះគា រតន ភេទប្រុស អាយុ 9ខែ (របួសធ្ងន់)
អ្នកទាំង 05 រស់នៅភូមិតាដេស ឃុំសង្កែសាទប ស្រុកឱរ៉ាល់ ខេត្តកំពង់ស្ពឺ ដែលកំពុងបើកបរស្របទិសគ្នា បណ្តាលឲ្យ ស្លាប់ក្មេងស្រី1នាក់ និងរបួសធ្ងន់ ស្រាល 05នាក់ ស្រី 02នាក់ ក្នុងនោះ ÷
របួសធ្ងន់ 03 នាក់ ស្រី 01នាក់ របួសមធ្យម 02 នាក់ប្រុស អ្នករបួសបានបញ្ជូនទៅសង្គ្រោះនៅមន្ទីរ ពេទ្យសម្ពពសុខណា (ឯកជន)ខេត្តកំពង់ស្ពឺ ។ ចំណែកសពបានប្រគល់ជូនក្រុមគ្រួសារយកទៅចាត់ចែងធ្វើបុណ្យតាមប្រពៃណី ។
ចំពោះវត្ថុតាងទាំង 2គ្រឿងយកទៅរក្សា ទុកនៅផ្នែកចរាចរណ៍ផ្លូវគោក នៃ អធិការដ្ឋាននគរបាលស្រុកសំរោងទង រងចាំការដោះស្រាយតាមផ្លូវច្បាប់ ។
ដោយ ៖ អ៊ុំ ចិត្ត្រា
