ខេត្តកំពង់ស្ពឺ ៖ អ្នកបើកបររថយន្តនិង (ព្រូ)២នាក់ជនជាតិវៀតណាម របួសយ៉ាងធ្ងន់ធ្ងរខណៈបើករថយន្តខ្វះការប្រុងប្រយ័ត្នជ្រុលទៅបុកក្បាលនាគរបួសយ៉ាងធ្ងន់ធ្ងរទាំង៣នាក់និងរថយន្តខូចខាតស្ទើទាំងស្រុង។
ហេតុការណ៍នេះបានបង្កអោយមានការភ្ញាក់ផ្អើលនៅវេលាម៉ោង៣និង៣៥នាទី ថ្ងៃទី ២៧ ខែមករា ឆ្នាំ២០២០នៅលើផ្លូវជាតិលេខ41 ចន្លោះគីឡូម៉ែត្រលេខ ២៥និង២៦ ត្រង់ចំណុចភូមិស្រង់ ឃុំស្រង់ ស្រុកគងពិសី ខេត្តកំពង់ស្ពឺមានរថយន្តមួយគ្រឿងម៉ាកហ៊ីយ៉ាន់ដាយពណ៌ស ពាក់ស្លាកលេខ ភ្នំពេញ 3E-2427 បើកបរដោយឈ្មោះម៉ី ចាន់ ភេទប្រុស អាយុ ៣១ឆ្នាំ រស់នៅភូមិថ្កូវ ឃុំឬស្សីស្រុកខាងលិច ស្រុកកំពង់ត្រាច ខេត្តកំពត (របួសធ្ងន់ ) អ្នករួមដំណើរចំនួន ២នាក់ ១.ឈ្មោះ ហឹន យ៉េន ភេទ ប្រុស អាយុ១៦ឆ្នាំ ជនជាតិវៀតណាម ជាព្រូរ ( របួសធ្ងន់ )២.ឈ្មោះ ថាន ហ្វុំ ភេទប្រុស អាយុ១៧ឆ្នាំ ជនជាតិវៀតណាម ជាព្រូរ (របួសធ្ងន់) បើកបរពីទិសខាងត្បូង ទៅទិសខាងជើង មកដល់ចំណុចកើតហេតុខាងលើបានរេចង្កូតទៅបុកក្បាលស្ពាន អូកូនតូស ផ្នែកខាងត្បូង បណ្ដាលអោយ ខូចខាតរថយន្តស្ទើ ទាំងស្រុង ក្នុងហេតុការនោះបណ្ដាលអោយរងរបួស03នាក់ធ្ងន់ធ្ងរ
រថយន្តខូចខាត01គ្រឿងស្ទើទាំងស្រុង។
ចំណែកនាក់រងរបួសបានបញ្ជូនទៅសង្គ្រោះនៅមន្ទីពេទ្យ និងវត្ថុតាងរក្សាទុកនៅផ្នែកចរាចរណ៍ផ្លូវគោក នៃ អធិការដ្ឋាននគរបាលស្រុកគងពិសី ។ ដើម្បីចាត់ការបន្តពេលក្រោយតាមផ្លូវច្បាប់ ៕
ដោយ ៖ អ៊ុំ ចិត្ត្រា
